Марафонымыз 2026 жылдың 15 қыркүйегінде өз жұмысын сәтті бастады. Қазіргі уақытта қатысушылар өздерінің бірінші кітабын оқып шыққан немесе оқып жатқан оқу кезеңі өтуде! Марафон барысында барлығы 15 кітапты оқып шығу қажет.
Марафон аясындағы15 кітапты оқу үшін тізбекті қадамға бөлінген.
КІТАП ОҚУ ЖОСПАРЫ:
- №1 Кітап - 15.09.2026-26.09.2026
- №2 Кітап - 27.09.2026-08.10.2026
- №3 Кітап - 09.10.2026-20.10.2026
- №4 Кітап - 21.10.2026-01.11.2026
- №5 Кітап - 02.11.2026-13.11.2026
- №6 Кітап - 14.11.2026-25.11.2026
- №7 Кітап - 26.11.2026-07.12.2026
№8 Кітап - 08.12.2026 -19.12.2026
№9Кітап - 20.12.2026- 31.12.2026
№10 Кітап - 01.01.2027-12.01.2027
- №11 Кітап - 13.01.2027-24.01.2027
- №12 Кітап - 25.01.2027-04.02.2027
- №13 Кітап - 05.02.2027-15.02.2027
№14 Кітап - 16.02.2027-26.02.2027
№15 Кітап - 27.02.2027-09.03.2027
Әр кезеңнің басында жоба сайтындағы жеке кабинетке кіріп, алдағы күндерге арналған кітапты өзіңіз таңдап, оқу процесін бекітуге мүмкіндігіңіз бар. Сонымен қатар, оқу басталған алғашқы 24 сағат ішінде кітапты өзгертуге немесе басқа кітапты өз бетінше таңдауға болады. Егер осы 24 сағат ішінде өз бетіңізбен таңдау жасамасаңыз, жүйе кітапты автоматты түрде тағайындайды.
Ұпай жинау жүйесі:
- Кепілдендірілген ұпайлар: Оқылған әрбір кітап үшін және жоба сайтында пікір қалдырғаныңыз үшін (мерзіміне қарамастан) сіз 250 ұпай аласыз.
- Кестені сақтап, уақытылы пікір қалдырғаны үшін бонус (+50 ұпай): Егер сіз кітапты кезең бойынша оқып, кітапты оқи бастағаннан кейінгі 10-шы мен 15-күндік аралықта пікір қалдырсаңыз, қосымша 50 ұпай қосылады.
- Әлеуметтік желідегі видеопікір үшін бонус (+50 ұпай): Оқыған кітабыңыз туралы қысқаша видеопікір түсіріп, аккаунтыңыз ашық күйінде өзіңіздің әлеуметтік желіңізде (Instagram, TikTok немесе YouTube) жариялаңыз және сілтемесін жеке кабинетіңізге енгізіңіз — бұл сізге тағы 50 ұпай әкеледі!
Алда не күтіп тұр?
2027 жылдың наурыз-сәуір айларында негізгі іріктеу шаралары — тестілеу, зияткерлік квиздер және басқа да сайыстар басталады. Жиналған ұпайларыңыз жеңіске жету жолындағы басты тірегіңіз болады!
Жеке кабинеттегі кестені қадағалаңыз, кітаптарды уақытында таңдап, «Кітап оқитын ұлт» марафонының бірінші кезеңін сәтті аяқтаңыз!