«КІТАП ОҚИТЫН ҰЛТ» РЕСПУБЛИКАНДЫҚ КІТАП ОҚУ МАРАФОНЫНА ҚАТЫСУ РЕГЛАМЕНТІ

1. Жалпы ережелер

Parasat арнайы бағыты (бұдан әрі – Бағыт) жүлделі орындар мен ақшалай сыйлықтарды бөлуді көздемейтін, дербес, байқаудан тыс қатысу форматы ретінде «Кітап оқитын ұлт» республикандық кітап оқу марафоны (бұдан әрі – Марафон) аясында тағайындалады.

Арнайы байқаудан тыс бағыттың құрылу негізі. Марафонды жүзеге асыру тәжірибесі көрсеткендей, жүлделі орындар үшін бақ сынайтын қатысушылардан бөлек, қоғамның елеулі әрі әлеуметтік құнды бөлігін кітап оқу мәдениетін дамыту идеясын ерікті түрде қолдауға, конкурстық тізімдегі кітаптарды өз бетінше оқып шығуға және өз ұстанымын көпшілік алдында мәлімдеуге дайын, бірақ жарысқа түсуге және сыйлықтарға қызығушылық танытпайтын азаматтар құрайды. Олардың қатарына мемлекеттік органдардың басшылары, депутаттар, ғылыми және шығармашылық зиялы қауым өкілдері, мәдениет қайраткерлері, бизнес-қоғамдастық, қоғам қайраткерлері, сондай-ақ шетелде тұратын отандастар кіреді. Parasat бағыты олар үшін кітап оқудың құндылығын жеке үлгісімен көрсетуге, кітап оқу аудиториясын негізгі конкурстың мақсатты тобынан тыс кеңейтуге мүмкіндік беретін арнайы, мәртебелі және мазмұны маңызды қатысу форматын жасайды, бұл ретте кітаптарды оқуға, пікірлер жазуға және нәтижелерді растауға қойылатын бірыңғай талаптар сақталады.

1.3. Бағыттың мақсаты — қоғамда кітап оқу мәдениетін қалыптастыру, функционалдық сауаттылықты арттыру және азаматтар тарапынан Марафонды қоғамдық қолдау.

1.4. Марафонды, соның ішінде Parasat бағытын «Кітап оқитын ұлт - Читающая нация» қоғамдық қоры құрылтайшы ретінде ұйымдастырады.

1.5. Parasat бағытының басты ерекшелігі – байқаудан тыс мәртебе: қатысушылар орындар үшін бір-бірімен жарыспайды, ақшалай сыйлықтар алмайды. Қатысу ерікті, қолдау көрсету және мәртебелік сипатқа ие.

2. Кім қатыса алады?

2.1. Parasat бағытының қатысушысы кәсібіне, лауазымына, тұрғылықты жеріне және азаматтығына қарамастан, Марафонның мақсаттарын бөлісетін және кітап оқуға жеке қатысуы арқылы оны қолдағысы келетін кез келген адам бола алады.

2.2. Бағытқа қатысу ерікті және тегін.

2.3. Қатысу форматы – жеке. Parasat бағыты үшін кезеңдерге бөлу және командалар құру қарастырылмаған.

3. Қалай қатысуға болады?

Parasat бағытына қатысу үшін төрт қадамды орындау қажет.

Тіркелу кезеңінде Марафонның www.reading-nation.kz ресми сайтында жеке кабинет құру, қатысушының сауалнамасын толтыру және Parasat арнайы бағытын таңдау қажет.

Қатысушы қазақ және орыс тілдеріндегі шығармалардан тұратын Марафон тізіміне енгізілген 15 кітаптан тұратын бірыңғай тізімді оқып шығуы тиіс. Кітаптар тізімі Марафонның ресми сайтында жарияланады.

Кітаптарды мына форматтарда оқуға болады:

• қағаз форматында;
• электронды форматта.

Parasat бағытының қатысушыларына кітаптар тегін берілмейді.

Әрбір кітапты оқып шыққаннан кейін қатысушы жеке кабинетте қысқаша пікір орналастырады.

Пікір мына талаптарға сай болуы тиіс:

• шығарманың мазмұнын көрсетуі тиіс;
• қатысушының жеке пікірін қамтуы тиіс;
• өз бетінше жазылуы тиіс.

Интернеттен толығымен немесе ішінара көшірілген немесе үшінші тұлғалар жасаған мәтіндерді пайдалануға жол берілмейді.

Барлық 15 кітапты оқып болғаннан кейін қатысушы оқылған шығармалар бойынша қорытынды онлайн-тестілеуден өтеді. Тестілеу кітаптарды оқыған фактіні растайды және сертификат алу үшін негіз болып табылады.

4. Өткізу мерзімдері

2026 жылғы қыркүйек – 2027 жылғы наурыз

Марафонды өткізу кезеңі: 15 кітапты оқу және жеке кабинетте пікірлер орналастыру

Қатысушыларды тіркеу

Марафонға 2026 жылдың 30 қазанға дейін қосылуға болады

2027 жылғы сәуір

Parasat бағыты қатысушыларының қорытынды онлайн-тестілеуі

5. Қатысушылар туралы ақпарат

5.1. Марафонның ресми сайтында Parasat бағытының қатысушылары туралы ашық жария ақпарат қалыптастырылады.

5.2. Кітаптарды оқығаны үшін ұпайлар әрбір оқылған кітап және қатысушының жеке кабинетте жарияланған пікірі үшін беріледі.

5.3. Ақпараттық сипатқа ие болады және жүлделі орындарды, дипломдарды немесе ақшалай сыйлықтарды бөлу үшін негіз болып табылмайды.

6. Қорытынды тестілеу

6.1. Барлық 15 кітапты оқу аяқталған соң қатысушы шығармалардың оқылғанын растайтын қорытынды онлайн-тестілеуден өтеді.

6.2. Тестілеу жарыс сипатына ие емес: қатысушылардың нәтижелері бір-бірімен салыстырылмайды, жүлделі орындар анықталмайды.

6.3. Тестілеуден сәтті өту (кемінде 60% дұрыс жауап) қатысушының электрондық сертификатын қалыптастыру үшін негіз болып табылады.

6.4. Тестілеуден сәтті өте алмаған жағдайда қатысушыға ұйымдастырушылар белгілеген тәртіппен қайта тестілеуден өту мүмкіндігі беріледі.

7. Қорытындылар

7.1. 15 кітапты оқыған, пікірлер орналастырған және қорытынды тестілеуден сәтті өткен Parasat бағытының барлық қатысушылары «Кітап оқитын ұлт» республикандық кітап оқу марафоны қатысушысының электрондық сертификатын алады.

7.2. Parasat бағыты шеңберінде ақшалай сыйлықтар, жүлделі орындар үшін дипломдар мен материалдық сыйлықтар қарастырылмаған – қатысу тек ерікті, байқаудан тыс сипатқа ие.

7.3. Ұйымдастырушылар қатысушылардың үлесін материалдық емес тану формаларын: алғыс хаттарды, Марафонның ресми сайтында құрметті қатысушылар тізімінде жариялауды, Марафонның ақпараттық материалдарында атап өтуді және басқа да ынталандыру формаларын тағайындауға құқылы.

8. Қорытынды ережелер

8.1. Parasat бағытына қатысу үшін тіркеле отырып, қатысушы осы Регламентпен келісетінін растайды.

8.2. Ұйымдастырушылар қорытынды тестілеу басталғанға дейін Регламентке өзгерістер енгізуге құқылы. Барлық өзгерістер Марафонның ресми сайтында жарияланады.

8.3. Марафонның барысы, кітаптар тізімі, рейтинг және Parasat бағытының жаңалықтары туралы ақпарат www.reading-nation.kz ресми сайтында орналастырылады.