Инициатива Қазақстан Республикасы Президенті Қасым-Жомарт Тоқаевтың Атырауда өткен Ұлттық құрылтайдың III отырысында жариялаған тұжырымдамасы аясында жүзеге асырылады. Жоба Қазақстанды әлемдегі ең көп оқитын елдердің топ-10 қатарына енгізу сияқты өршіл міндет қояды.
Алты бағыт бойынша байқау
Жоба аясында халықтың әртүрлі топтарын қамтитын байқау басталады:
Әр бағыт үшін 15 кітаптан тұратын тізім дайындалды. Негізіне «Қазақ әдебиетінің 100 танымал кітабы» жалпыхалықтық рейтингіне енген шығармалар алынды. Мысалы, 6–10 сынып оқушыларына жеке жинақтар жасақталған — барлығы 75 кітап.
Қатысушылар кітап оқып, шығармашылық тапсырмалар орындайды және зияткерлік сайыстарда бақ сынайды.
Қамту ауқымы және ұйымдастырушылар
2025 жылы жоба Қарағанды облысының 45 мыңнан астам тұрғынын қамтуды жоспарлап отыр. Ұйымдастырушылар — «Кітап оқитын ұлт – Читающая нация» қоғамдық қоры мен облыс әкімдігі, «Аманат» партиясының қолдауымен. Бас демеуші — Alageum Electric, өңірлік әріптес — RGB Group.
Қордың атқарушы директоры Аян Сақошев бастаманың маңызын атап өтті:
«Біздің миссиямыз — Қазақстанды ең көп оқитын елдердің топ-10 қатарына енгізу. Біз барлық жас санаттарының мүдделерін ескеріп, шабыт беретін әрі тұлғалық өсуге ықпал ететін кітаптарды ұсындық».
Облыс әкімі Ермағанбет Бөлекпаев оқу мәдениетін қалыптастыруды ұлттық дамудың негізгі факторы деп атап, кітапханалық сервистерді дамыту мен оқушыларды, педагогтарды және ата-аналарды оқуға тартуды қамтамасыз етуді тапсырды.
Жеңімпаздарға жүлделер
Байқау 2025 жылғы қыркүйектен 2026 жылғы наурызға дейін өтеді. Жеңімпаздар келесі жүлделерді иеленеді:
Қарағанды облысының тұрғындарын — оқушыларды, студенттерді, педагогтарды, мемлекеттік қызметшілерді және отбасыларды «Оқитын ұлт» жобасына қосылуға, Қазақстанда оқу мәдениетін ілгерілетуге бағытталған жаһандық миссияның бір бөлігі болуға шақырамыз.
