Білім - жоғалмайтын қазына
Материалдық ресурстар өзгеруі мүмкін, ал білім адаммен бірге қалады. Ол адамның дамуына, шешім қабылдауына және кез келген жағдайда тұрақты болуына көмектеседі.
«Кітап оқитын ұлт» - негізінде қарапайым идея жатқан республикалық марафон.
«Кітап оқитын ұлт» жобасы Қазақстан Республикасының Президенті Қасым-Жомарт Тоқаевтің 2026 жылғы 16 мамырдағы «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлығын іске асыру мақсатында жүзеге асырылуда.
Жобаның мәні
Оның негізінде қарапайым идея жатыр: оқу - өз алдына мақсат емес, тұлға мен қоғамды қалыптастырудың маңызды жолы.
«Кітап оқитын ұлт» - оқуға, үйренуге, ойлануға және алған білімді өмірде қолдануға деген тұрақты дағдыны қалыптастыруға бағытталған ұзақ мерзімді қозғалыс.
Бұл бір реттік мәдени шара немесе оқылған кітаптар саны бойынша жарыс емес.
Пилоттық кезең
Пилоттық кезең оқу мәдениетін ілгерілетудің түрлі форматтарын сынақтан өткізуге, балалар мен ересектерді тартуға және бастама ауқымын бүкіл ел көлемінде жүзеге асыруға мүмкіндік берді.
Жеті идея
Материалдық ресурстар өзгеруі мүмкін, ал білім адаммен бірге қалады. Ол адамның дамуына, шешім қабылдауына және кез келген жағдайда тұрақты болуына көмектеседі.
Даму жас ерекшелігімен шектелмейді. Адам жаңа нәрсеге деген қызығушылығын сақтап, білім алуды жалғастырған кезде әрі қарай өсіп, жаңа мүмкіндіктерді аша береді.
Кітап оқу ақпаратты талдауға, сұрақ қоюға, түрлі көзқарастарды салыстыруға және өз қорытындысын жасауға үйретеді. Сыни ойлау адамға қазіргі әлемде саналы түрде бағдар алып, байыпты шешімдер қабылдауға көмектеседі.
Кітап оқу адамға бүгінгі бар дүниеден де кеңірек ойлауға, жаңа мүмкіндіктерді елестетуге және стандарттан тыс шешімдер табуға көмектеседі. Қиял ойлау шекарасын кеңейтіп, шығармашылықтың қайнар көзіне айналады және идеяларды нақты өзгерістерге айналдыруға ықпал етеді.
Кітап оқу диалог құруға мүмкіндік береді. Кітаптар мен идеяларды талқылай отырып, біз тыңдауға, өзге көзқарастарды түсінуге және отбасымыз бен қоғамымызда мазмұнды қарым-қатынас орнатуға үйренеміз.
Кітап оқу мәдениеті отбасынан басталады. Ата-ананың балаларға үйрететін кітап оқу әдеті отбасылық дәстүрдің бір бөлігіне айналып, ұрпақтар арасындағы байланысты күшейтеді.
Адамның құндылығы оның қанша білетінімен ғана емес, сол білімі арқылы не істейтінімен де өлшенеді. Алған білім идеяларға, пайдалы әрекеттер мен шешімдерге айналып, адамға, отбасына және қоғамға пайда әкелуі тиіс.
Жобаның алдағы бес жылға арналған өршіл мақсаты - Қазақстан халқының 50 пайызын кітап оқу мәдениетіне тарту. Бұл - отбасы, балалар мен жастарды, кітапханаларды, білім беру және мәдениет ұйымдарын, сондай-ақ бүкіл қоғамды кітап оқу арқылы даму идеясының төңірегіне біріктіретін қозғалыс.
Әр қатысушы өз жолымен жүреді, алайда барлығына ортақ бағыт - кітап оқу арқылы даму.